8ರಂದು ಕಟೀಲಿನ 6ನೇ ಯಕ್ಷಗಾನ ಮೇಳ ಸಮರ್ಪಣೆ
ಲೇಖಕರು : ಸತೀಶ್ ನಾಯಕ್ , ಪಕಳಕು೦ಜ
ಮ೦ಗಳವಾರ, ನವ೦ಬರ್ 5 , 2013
|
|
ನವ೦ಬರ್ 5 , 2013
|
8ರಂದು ಕಟೀಲಿನ 6ನೇ ಯಕ್ಷಗಾನ ಮೇಳ ಸಮರ್ಪಣೆ
ಮೂಲ್ಕಿ :
ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದೇವಳದಲ್ಲಿ ದೇವಳದ ಕಟೀಲು ಶ್ರೀ ದುರ್ಗಾಪರಮೇಶ್ವರಿ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿಯ ನೂತನ ಆರನೇ ಮೇಳದ ಸಮರ್ಪಣೆ ಹಾಗೂ ಎಲ್ಲ ಆರು ಮೇಳಗಳ ಪ್ರಸ್ತುತ ಸಾಲಿನ ತಿರುಗಾಟದ ಆರಂಭೋತ್ಸವ 8ರಂದು ಕಟೀಲಿನ ರಥಬೀದಿಯಲ್ಲಿ ಜರಗಲಿದೆ. ದೇವಳದಲ್ಲಿ ಯಕ್ಷಗಾನ ಸೇವೆಯು ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರಿಂದ ಬರುತ್ತಿದ್ದು, ಈಗಾಗಲೇ ಸುಮಾರು 15 ವರ್ಷಗಳವರೆಗೆ ಹರಕೆ ಬಯಲಾಟಗಳ ಮುಂಗಡ ಬುಕ್ಕಿಂಗ್ ಆಗಿದೆ. ಭಕ್ತರ ಆಶಯದಂತೆ ಈ ಬಾರಿ ಆರನೇ ಮೇಳ ಆರಂಭಿಸಲಾಗುತ್ತಿದೆ.
ಬೇಗನೆ ತಿರುಗಾಟ: ಈ ಹಿಂದೆ ದೀಪೋತ್ಸವದ ಬಳಿಕ ಮೇಳಗಳು ತಿರುಗಾಟ ಆರಂಭಿಸುತ್ತಿದ್ದು, ಈ ಬಾರಿ ಅಷ್ಟಮಂಗಳ ಪ್ರಶ್ನೆಯಲ್ಲಿ ಹೇಳಿದಂತೆ ದೇವರ ಒಪ್ಪಿಗೆ ಪಡೆದು ದೀಪೋತ್ಸವಕ್ಕಿಂತ 20 ದಿನ ಮೊದಲೇ ತಿರುಗಾಟ ಆರಂಭಿಸಲಾಗುತ್ತಿದೆ. 8ರಂದು ಕಟೀಲಿನ ರಥಬೀದಿಯಲ್ಲಿ ಏಕ ಕಾಲದಲ್ಲಿ ಆರು ಮೇಳಗಳು ಒಂದೇ ಸ್ಥಳದಲ್ಲಿ ಆರು ರಂಗಸ್ಥಳದಲ್ಲಿ ಪ್ರದರ್ಶನ ನೀಡುವ ಮೂಲಕ ತಿರುಗಾಟಕ್ಕೆ ಚಾಲನೆ ನೀಡಲಾಗುತ್ತದೆ ಎಂದು ಮಂಡಳಿಯ ಪ್ರಕಟಣೆ ತಿಳಿಸಿದೆ.
ಕೃಪೆ : http://www.kannadaprabha.com/
|
|
|
